بنلاقي دلوقتي ان عملية تحسين محركات البحث أصبحت من أفضل الطرق المستخدمة في التسويق
الإلكتروني ،واللي بتساعد بشكل كبير في زيادة المبيعات.
وكمان بنلاقي إن كل ما يكون تصنيف موقعك عالى، وده بيزود عدد الزيارات للموقع الإلكتروني،ومعاها بيزيد عدد
العملاء الجدد المحتملين.
ومع وجود المواقع الكتيرة حالياً، واللي كلها بتحاول عشان تتصدر محركات البحث، بنلاقى ان تحسين محركات
البحث لازم تكون من أساسيات عملية التسويق الإلكتروني.
وعشان كده هقدملك في المقال ده الطرق والاستراتيجية اللازمة عشان تقدر تتصدر بموقعك محركات البحث،
وبالتالي مزيد من العملاء ومزيد من المبيعات.
بس خلينا الأول نعرف أهمية عملية تحسين محركات البحث لموقعك الإلكتروني.
أهمية تحسين محركات البحث
لازم تعرف الاول إن تحسين محركات البحث يطلق عليها اسم تاني وهو Seo أو (Search Engine
optimization) واللي اكيد سمعت عنه قبل كده .
طب ايه بقي أهمية تحسين محركات البحث أو السيو؟
1-بتساعد بشكل كبير في تصنيف موقعك الإلكتروني، وازاي تقدر بمحتوى موقعك انك توصل عدد ممكن من
الأشخاص.
زي أنت مثلاً لما تيجي تبحث عن حاجة باستخدام جوجل، بنلاقي انك بتختار نتيجة البحث الأولى أو التانية من
الصفحة الأولى من البحث.
2- كمان بتساعد في زيادة مبيعات موقعك، وده نتيجة زيادة حركة المرور على موقعك الإلكتروني، وبالتالي زيادة
عدد الزوار اللي بتعرفوا اكتر عن محتواك واللى بتقدمه من خدمات.
3- وبالتالي عدد كبير من الأشخاص هيعرفوا اكتر عن علامتك التجارية، وممكن توصل لمشاركة محتوى موقعك و
علامتك التجارية على منصات التواصل الاجتماعي.
وعشان كده لازم نهتم كويس جداً بعملية تحسين محركات البحث، ولازم تعرف كمان إن موقعك ملهوش لازمة
لو مقدرش يتصدر محركات البحث.
ونبدأ بقي بالاستراتيجية اللازمة عشان تقدر تصدر موقعك الإلكتروني من خلال تحسين محركات البحث.
1-تقديم محتوي يتماشى مع المستخدم
من المهم جداً انك تحافظ على جودة المنتجات والخدمات اللى بتقدمها للعملاء، والأهم من كده أنها تضيف
فائدة أو قيمة لحياة العملاء والزبائن.
وكمان لازم يكون تقديم الخدمات والمنتجات من خلال محتوى جيد ، ويتماشي مع أهداف المستخدم، وتقديم
حلول مستمرة لمشاكلهم.
وبتبقى دي من الطرق الفعالة والمجانية في انك تجذب عدد كبير من المتابعين لموقعك.
2-تحسين هيئة الموقع لعملية السيو
في الخطوة دي انت لازم تظبط شكل موقعك وازاى هيتماشي مع السيو، والعملية دي بتحسّن من عملية
البحث عن موقعك وازاي هيظهر للمستخدمين.
ومش المستخدمين بس، لا وكمان بتسهل عملية وصول وزحف روبوتات محرك البحث وفهرستها لكل الصفحات
على موقعك.
وبالتالى كل ده بيساعد المستخدمين انهم يستخدموا موقعك ويتنقلوا بين صفحاته، ويقدرو يوصلوا للمعلومات
اللى بيبحثوا عنها بكل سهولة.
3- استخدام الروابط الخلفية لتحسين ظهور موقعك
من الخطوات المهمة بردو في تحسين محركات البحث لموقعك،هو أنك تستخدم روابط من مواقع تانية يكون
ليها علاقة بمحتوى موقعك واللي بتسمي الباك لينك أو الروابط الخلفية.
طب ازاى اقدر اعمل كده؟
تقدر دلوقتي تستخدم اكتر من طريقة عشان تقدر تبني روابط خلفية بجودة عالية.
زي مثلاً استخدام حاجه اسمها Guest Posting، واللي بتمكنك من انك تنشر مواضيع على مواقع بتعمل على
نفس محتوى موقعك، وتقدر تحط رابط موقعك في الموضوع ده.
وممكن طريقة ابسط وهو أنك لما تكون بتقدم محتوى جودته عالية على موقعك، ده بيزود أصحاب الروابط
الخلفية لموقعك.
4- الإستعانة بأدوات تحسين صفحة الموقع الإلكتروني في محركات البحث
من الضروري انك تهتم بالسيو،وبالتالي ممكن تستخدم بعض الأدوات اللى هتساعدك بشكل كبير في تحسين ظهور موقعك على محركات البحث زي:
● أداة جوجل انالتيكس Google Analytics
والأداة دي بتساعدك بشكل كبير عشان تقدر تعرف عدد الزوار ومعدلات التفاعل للزائرين على الموقع
الإلكتروني.
● أداة جوجل بلانر Google Planner
وهي من الأدوات المجانية من جوجل، والأداة تتميز بقدرتها على تخزين مجموعة كبيرة من المعلومات والبيانات
اللى يبحث عنها مستخدمي الإنترنت.
● أداة Similar Web
والأداة دي بتساعدك بشكل كبير في انك تعرف عدد الزيارات لموقعك، ومش بس كدة، دى كمان بتحدد لك
ميعاد كل زيارة على الموقع.
5- تدقيق السيو (SEO Audit) الخاص بمحركات البحث
زي ما بنقول دايما ان الأهم من اتمام العمل هو المتابعة المستمرة للعمل، ومن خلال خدمة تدقيق السيو تقدر
تتابع ترتيب وأرقام الموقع باستمرار.
وكمان بتقدملك تقرير دورى لكل ما يتعلق بالموقع سواء كان عدد الزيارت أو المشكلات اللي ممكن تقابله زي
وترتيبه على محركات البحث.
بجانب أن وجود الأداة دي بتساعد متخصص السيو في تحديد المشاكل الخاصة بالموقع، ومنها تبدا بايجاد
الحلول.
ومع أن الخطوة دي ممكن تاخد شوية وقت ، إلا أنها مهمة جداً وبتفرق في النتائج الملموسة لزيادة عدد
الزيارات لموقعك الإلكتروني.
6- تحسين موقعك الإلكتروني لعوامل الويب الحيوية للـ محركات البحث
يمكن تكون دي المرة الأولى اللى تسمع فيها عن عناصر الويب الحيوية، واللى بتساعد بشكل كبير في ترتيب
موقعك على محركات البحث.
طيب ايه هي عوامل الويب الحيوية دي؟
واحدة من العوامل دي تتمثل في الوقت أو المدة اللي بيستهلكها المستخدم عشان يتفاعل مع محتويات
الموقع.
زي مثلاً انه يضغط على زر معين، واللي بيتواجد في صفحات الموقع، وغالباً العملية دي بتتم في لحظات.
وعامل تاني زي سرعة تحميل وظهور موقعك الإلكتروني للمستخدمين، واللي يفضل يكون مش اكتر من 2.5
ثانية.
وعشان كده لازم يكون الموقع الإلكتروني سريع، وقابل للاستخدام، ويكون آمن في الاستخدام، وبالتالي
يحسّن من تجربة المستخدم للموقع.
7- تحليل المنافسين للموقعك الإلكتروني
وهنا بيقوم متخصص السيو بعمل دراسات على المنافسين اللي بيقدموا نفس خدمات موقعك، وتتبع خطتهم
التسويقية ومقارنتها بموقعك، عشان يمكنك من تحسين ظهور موقعك على محركات البحث.
بحيث يعرف الكلمات الافتتاحية اللي بيستخدمها المنافس، ومحاولة معرفة نقاط الضعف في استراتيجياته،
ويستغلها عشان يقدر يتفوق عليه.
ومن بعدها تقدر تستخدم كلمات رئيسية افتتاحية متعلقة بمحتوى موقعك، بحيث تكون جديدة ومحدش من
منافسيك استخدمها قبل كده.
8-ايجاد وتصحيح اخطاء السيو التقنية في الموقع الإلكتروني
وكذلك من المستحيل انك تلاقي أي موقع إلكتروني خالى من المشاكل أو الأخطاء التقنية، وخاصة مشاكل
السيو،
وعشان كده بنلاقي أدوات كتير تقدر تحل المشاكل دي.زي انك مثلاً تستخدم أداة تحسين محركات البحث
SemRush.
