أهم طرق زيادة العملاء والزوار لموقعك الإلكتروني

أهم طرق زيادة العملاء والزوار لموقعك الإلكتروني

زي ما احنا عارفين ان عملية التجارة الإلكترونية من أفضل الطرق للربح النهارده، ومع كده بنلاقي كتير من

الاشخاص مش بيستمروا في التجارة دي.

وواحد من أهم أسباب عدم استمرارهم أو عدم قدرتهم أنهم يحققوا أهدافهم، هو قلة الزوار والعملاء المحتملين

لموقعهم الإلكتروني واللى من خلاله بيقدموا خدماتهم ومنتجاتهم.

طيب ليه بقى مفيش زوار؟ وايه اللى اقدر اعمله عشان احافظ على العملاء الحاليين وازود العملاء المحتملين؟

وعشان كده في المقال ده هتلاقى 7 طرق مهمة هتساعدك على زيادة الزوار لموقعك الإلكتروني، وكمان

هنقدم لك الأدوات اللازمة اللى هتعرفك على أداء موقعك.

1. تعرف على طبيعة عملائك

من المهم جداً انك تعرف طبيعة وأسلوب العميل اللى بتتعامل معاه، عشان تقدر تحدد طريقة التعامل معاه

وازاى هتقدر تجذبه لموقعك ولخدماتك.

ومن خلال الطريقة دي تقدر تتعرف على التفاصيل المهمة عن عملائك، وايه اللى بيفضلوه أو هيحتاجوه،

وتحاول تنفيذ المتطلبات دي.

ودلوقتي فيه أدوات بتساعدك في انك تعرف طريقة تصرف العميل، واحتياجاته أو آلامه زي أداة Web Analytics،

ومن خلالها تقدر تعمل أبحاثك عن العملاء.

وبعد ما تكّون داتا عن العميل المستهدف، دلوقتي دورك أنك تحاول بقدر الإمكان توفبر كل احتياجاته ومتطلباته،

وبالطريقة الليهوه عاوزها.

ولو قدرت علامتك التجارية توفر حلول لمشاكل واحتياجات الأشخاص دول ، فده يعتبر من خطوات النجاح .

وده معناه أنك هتقدر تنجح مش بس في زيادة العملاء المحتملين، ولكن كمان هتنجح في زيادة المبيعات

بصورة عامة.

2. جذب العملاء المحتملين أو Lead Generation

بما انك قررت تدخل في مجال التجارة الإلكترونية، لازم تكون عارف ان الموضوع مش سهل وبالذات في الخطوة

دي.وانك دلوقتى بتحاول تجذب وتقنع الناس انهم يكونوا عملاء لشركتك في ظل المنافسة الشديدة الموجودة

حالياً.بس على الرغم من صعوبة الأمر إلا أنه محتاج بس شوية صبر ووقت ، وتكون محدد شريحة جمهور معينة

تبدأ بيها الأول.

وطرق جذب العملاء كتيرة جداً، زي مثلاً انك تعمل قناة يوتيوب ، وفي الحالة دي انت لازم تحمل فيديوهات

بصورة مستمرة ،ويكون المحتوى مفيد.

ومن الطرق التانية انك ممكن تشتغل شوية بنظام التسويق بالعمولة، ومن خلال تعاملك مع الشركات المختلفة

تقدر تنشر اسم شركتك والخدمات اللى بتقدمها ومعاها يزيد عملائك المحتملين.

وفي حال قررت بعد كدة انك تقدم جذب العملاء كخدمة من خدماتك في شركة التسويق الإلكتروني، لازم تكون

ضليع فيها.

ولازم تعرف بردو انه معني انك قدرت تسوق لنفسك ولشركتك، فده بيحسن من صورة شركتك ادام العملاء

وانك تقدر تعمل الخدمة دي لجميع العملاء بكل سهولة.

3. زيادة عدد العملاء من خلال زيادة سرعة موقعك الإلكتروني

بنلاقي النهاردة إن سلوك الزائر (User experience) بقي من أهم عوامل تصدر نتائج البحث، وبالتالي بنلاقي

إن سرعة الموقع لازم تبقي من أولويات جميع أصحاب المواقع.

فبنلاقى إن كل ما كان سرعة الموقع عالية، ده بيخلي معدل الارتداد (Bounce rate) أقل، وبالتالى بتزود مدة 

بقاء الزائر في الموقع.

وبردو من العوامل المهمة اللى بتؤثر على سرعة الموقع بشكل مباشر هي سرعة الخادم أو الاستضافة،

عشان كده متتسرعش في اختيار خادم الموقع.

طيب ازاي اقدر اخلى بالى من كل ده واقدر اتابع سرعة الموقع عشان زيادة العملاء، العوامل اللي بتأثر عليه؟

تقدر تعمل كده من خلال بعض أدوات فحص المواقع زي مثلاً Pingdom واللى مش بيفحص سرعة موقعك بس،

ولكن بيساعدك كمان في تحسين سرعته وبالتالي زيادة العملاء والزوار.

وبنلاقى بردو أداة زي Google PageSpeed Insight ، واللي قدمتها جوجل لأصحاب المواقع؛ لفحص وتحسين

سرعة الموقع سواء على الموبايل أو أجهزة سطح المكتب.

4. جودة المحتوى

من المهم جداً انك تحافظ على جودة المنتجات والخدمات اللى بتقدمها للعملاء، والأهم من كده انها تضيف

فائدة أو قيمة لحياة العملاء والزبائن.

وكمان لازم يكون تقديم الخدمات والمنتجات من خلال محتوى جيد ، ويتماشي مع متطلبات العملاء، وتقديم

حلول مستمرة لمشاكلهم.

وبتبقى دي من الطرق الفعالة في التسويق الداخلى لمشروعك واللى بتساعدك بشكل كبير في عملية زيادة

العملاءالمحتملين.

5. تحسين محركات البحث أو السيو

نيجي بقي لاهم طريقة في زيادة العملاء لموقعك الإلكتروني، واللى بتساعد بشكل كبير في زيادة زيارات

العملاء من خلال تصدر موقعك محركات البحث.

عشان كده من الضروري انك تهتم بالسيو، وممكن تستخدم بعض الأدوات اللى هتساعدك بشكل كبير في

تحسين ظهور موقعك على محركات البحث زي:

1-أداة جوجل انالتيكس Google Analytics

2-أداة Ahrefs

3-أداة semrush

6. الاهتمام بالعروض الترويجية

وبنلاقي طريقة تقديم العروض الترويجية من أفضل استراتيجيات استهداف زيادة العملاء وانجحها.، واللي

بتساعد كتير في تعزيزالمعرفة بعلامتك التجارية.

و كمان الطريقة دي بتساعد في زيادة العملاء الجدد، ومن ناحية تانية بتحافظ على عملائك الحاليين وولائهم .

بس خلي بالك ان الطريقة دي تستعملها مثلاً في أوقات محددة ومش باستمرار وعلى حسب نظام شغلك

طبعاً، وخليك علطول مبتكر وتقدم حاجات جديدة للعملاء.

7. زيادة العملاء من خلال وسائل التواصل الاجتماعي

وفي الطريقة دي ممكن تستغل وسائل التواصل الاجتماعي في زيادة العملاء والزوار لموقعك الإلكتروني،

وبالتالي هيعرفوا اكثرعن علامتك التجارية.

وكمان اختيارات التفاعل قدامك كتير، سواء كان عن طريق فيسبوك أو انستجرام أو تويتر، واللي بيساعدوا

بشكل كبير في تقوية الصلة بينك وبين العملاء.

وعشان تقدر تجذبهم على المنصات دي، لازم تعرف ان العميل بيستخدم المواقع دي للترفيه، بمعني أنك

محتاج توصل رسالتك ليه بطريقة مش رسمية طبعاً، وبصورة تتماشى مع طبع العميل المستهدف.

ومش بس كده منصات التواصل الاجتماعي بتمكنك من ارسال الرسائل، ومشاركة المحتوى بتاعك مع

المتابعين والمشاهير.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الرئيسية
من نحن
خدماتنا
المقالات
تواصل معنا